الخميس، 31 مايو 2018
الأربعاء، 30 مايو 2018
الاثنين، 28 مايو 2018
السبت، 26 مايو 2018
الخميس، 24 مايو 2018
الأربعاء، 23 مايو 2018
الثلاثاء، 22 مايو 2018
الاثنين، 21 مايو 2018
الأحد، 20 مايو 2018
السبت، 19 مايو 2018
" اللهم مُنَّ ... " بقلم السيد القائد مقتدى الصدر (اعزه الله)
اللهم مُنَّ
على المكلف بالكف والصيام
وعلى المصلين بالخشوع والاقبال
وعلى المستهلين بالرؤية والمشاهدة
وعلى المؤمن بالصدق والتواضع
وعلى السائلين بالرزق والانجاح
وعلى الغني بالتصدق على الفقراء
وعلى النساء بالعفة والوقار
وعلى العاصي بالانابة والتوبة
وعلى المفطر بالتستر والامساك
وعلى الصبي بالتمرن والتدريج
وعلى الفقراء بالتعفف والكفاف
وعلى الضال بالهداية والنجاة
وعلى الغافل بالانابة والالتفات
وعلى العابد بالصلاة والقيام
وعلى المتهجد بالذِكر والاحياء
وعلى المتوسل بالدعاء والمناجاة
وعلى الجائع بالصبر والثبات
وعلى النائم بالهدوء والسكينة
وعلى السالك بالرقي والكمال
وعلى العارف بالعشق والهيام
وعلى التائه بالانارة والوصول
وعلى المذنبين بالتوبة والاستغفار
وعلى المسافرين بالسلامة والامان
وعلى المرضى بالصبر والسلوان
وعلى المجاهدين بالشجاعة والثبات
وعلى الشهداء بالمغفرة والرحمة
وعلى الجرحى بالعافية والشفاء
وعلى الحكام بالتواضع والعدل
وعلى العلماء بالعلم والتقوى
وعلى العامل بالرزق والتحمل
وعلى الشيخ بالصحة والعافية
وعلى المسلمين بالورع والايمان
وعلى اراضيهم بالزراعة والخيرات
وعلى الشعوب بالأمن والامان
وعلى المعتكفين بالقبول والرضوان
وعلى الطلبة بالكمال والنجاح
وعلى الاعمى بالنور والبصيرة
وعلى الشبهات بالافول والزوال
وعلى المكروبين بالفرح والفرج
وعلى الاسرى بالحرية والسلامة
وعلى المعتمرين بالاجزاء والقبول
وعلى الفارين بالملجئ والمأمن
وعلى المظلومين بالستر والعافية
وعلى الظالمين بالذل والخسران
وعلى المحتلين بالخيبة والانسحاب
وعلى بلاد المسلمين بالتوحد والاقدام
بحق محمد واله الاطهار
الجمعة، 18 مايو 2018
الخميس، 17 مايو 2018
الأربعاء، 16 مايو 2018
الاثنين، 14 مايو 2018
الجمعة، 11 مايو 2018
الأربعاء، 9 مايو 2018
كلمة سماحة الزعيم العراقي السيد مقتدى الصدر ( اعزه الله ) بشأن الانتخابات العراقية العامة 8 / 5 / 2018
بسم الله وبسم الشعب
السلام عليكم ورحمة الله وبركاته
أيها الاخوة والاخوات
أيها الشعب العراقي العظيم
القي عليكم كلماتي هذه وكلي امل في انتصار العراق على الطغمة الفاسدة التي نهبت الوطن وخيراته لنوّدع حقبة سوداء وداعاً ابدياً لا رجعة فيه على الاطلاق ولنفتح مصارع الصباح والفلاح ليعم الخير والاصلاح.
فسيروا يا ابناء البصرة والعمارة الغراء، وسيروا يا ابناء الديوانية والسماوة المعطاء، وسيروا يا ابناء الكوت والناصرية الفيحاء، وسيروا يا ابناء كربلاء ونجف العلماء، سيروا يا ابناء بابل وبغداد العصماء، وسيروا يا ابناء ديالى وصلاح الدين الكرماء، سيروا يا ابناء الموصل والانبار الشماء، سيروا يا ابناء الشمال وكركوك الاباء، وسيروا يا نساء العراق، وسيروا يا كهول العراق، وسيروا يا شباب العراق، وسيروا يا رجال العراق، وسيروا يا مثقفي العراق، وسيروا يا جيش العراق الباسل، وسيروا يا شرطة العراق البطلة، وسيروا يا ضباط العراق، وسيروا يا طلاب العراق، وسيروا يا عشائر العراق، وسيروا يا عمال العراق، وسيروا يا فقراء العراق، وسيروا يا مغتربي العراق، وسيروا يا اكراد العراق، وسيروا يا شيعة العراق، وسيروا يا سنة العراق، وسيروا يا اقليات العراق، وسيروا يا مدنيي العراق، سيروا نحو صناديق الاقتراع وعين الله ترعاكم، سيروا فنحن سائرون نحو عراق حر مستقل، سيروا فنحن سائرون لعراق آمن من الاحتلال والارهاب والمليشيات والفاسدين، سيروا فنحن عازمون على التغيير والاصلاح وقلع الفاسدين، فالمجرب لا يجرب شلع قلع.
سيروا فنحن عازمون على بناء دولة قوية تعطي للجميع حقوقهم وتريد منهم واجباتهم، سيروا فها هي مرجعيتكم تستصرخكم، سيروا فها هو وطنكم يستنهضكم، سيروا ونحن من خلفكم سائرون، نحو كتلة عابرة للمحاصصة، سيروا بزحف مليوني يرهب الفساد والفاسدين، سيروا لاجل العراق وحبه فحب الوطن من الايمان
واياكم والتخاذل والخذلان فلا مجال هنا لتقديم الاعذار والمبررات، فعلى الجميع الزحف نحو مليونية اصلاحية انتخابية والا فلا يلومن المقصر منكم الا نفسه، لأنه سيكون سبباً في ضياع العراق وتسليمه بيد الفاسدين من جديد، فهي فرصتكم التي من خلالها تدلون باصواتكم عبر اجهزة حديثة نحذّر الجميع ان يتلاعبوا بها ويلجأوا الى التزوير وحينها سوف نزلزل الأرض تحت اقدام الفاسدين والمزورين.
وصوتكم أغلى من الماس، ووطنكم وطن الأقداس، وحبّه بكل شيء لا يقاس.
سيروا إنّا معكم سائرون.
والسلام على العراق وأهل العراق ورحمة الله وبركاته
مقتدى محمد الصدر
شكراً لكم
النص الكامل لمحاضرة القائد السيد مقتدى محمد الصدر اعزه الله حول مبدأ الإستحقاق 3 / 5 / 2018
اعوذ بالله من الشيطان اللعين الرجيم
توكــلــت على اللـه رب العالمين
وصلـى الـله على خير خلقه محمد واله اجمعين
السـلام على الحـضور الـكـرام ورحـمـة الـله وبركاته
اقرأ عليكم في البدء فقرة صغيرة من الدعاء وانتم قولوا يا الله
"اللهم انا نرغب اليك في دولة قوية تعز بها العراق واهله وتذل بها الفساد واهله وتجعلنا فيها من الدعاة الى نصرتك والقادة الى خدمتك وترزقنا بها كرامة الدنيا والاخرة بحق محمد واله الاطهار"
بعد ارجو الاصغاء رجاءً
بسم الله الرحمن الرحيم
موضوعنا لهذا الاسبوع ما اسميه بمبدأ الاستحقاق استحقاق العقاب واستحقاق الثواب من ذا يستحق العقاب؟ ومن ذا يستحق الثواب؟ وكلٌ عنده بمقدار لا يظلم ربك احداً على الاطلاق ولنعلم ايضا ان كلا الاستحقاقين خير وكل ما يصدر منالله سبحانه وتعالى فهو خير ولا يصدر من الله إلا الخير فإذا اثاب العبد فهو خيرٌ له وان عاقبه ايضا فهو خيرٌ له ليمحي ذنوبه لا ليُنكّل به ويعذبه فقط وكلا الاستحقاقين خير فأن يُجزى المؤمن بالثواب فهو خير وان يُعاقبْ المذنب فهو خير فالعقوبة ليست اهانة او تنكيل او استنقاص بل هي لمحو الذنوب ، ليش رب العالمين يعاقب العبد؟ شوف مرة يعاقبه بالدنيا ومرة يعاقبه بالاخرة ، اذا الله اراد ان يلطف بالمؤمن ، بالعبد ، يعاقبه في الدنيا ، ليش؟ حتى ميعاقبه بالاخرة ، عقوبة الدنيا مؤقتة وعقوبة الاخرة دائمية حبيبي ، شيطلعك بعد ، يعاقبك هنا احسنلك
يعني مو مجرد ان يصيبك البلاء او العقوبة تجزع ، اصبر ثم اصبر ، فالعقوبة ليست تنكيل وإنما لمحو الذنوب ، واعلموا ايضا ايها الاخوة الاحبة ان فِعل الخير له آثارٌ ايجابية وان فِعل الشر له آثار سلبية ، اما آثار الخير ، امثللكم مثال ، الجسم بالعلوم الحالية يكلك يحتاج الى رياضة ، مارس الرياضة لكي يستفيد جسمك ، ايضا اني اكلك مارس الخير ليستفيد نفسك وروحك وعقلك وجسدك ، نحن اكرر وقلتها في موارد سابقة لا نؤمن بالماديات فقط ، نؤمن مو لا ما نؤمن ، لكن لا نؤمن بها فحسب بل نؤمن كما ان هناك ماديات هناك امور معنوية كما ان الرياضة تفيد الجسم وتفيد الانسان فكذلك فعل الخير يفيد الجسم ويفيد الانسان ، واضح؟ واعلموا ان فعل الخير له آثار ايجابية كالرياضة بالنسبة الى الجسم ، او قل كتأثير الدواء ، شوف من تتمرض تروح للطبيب مو ينطيك دواء ، هاي يكلك يابه انت منشول روح ابلعلك شنو؟ براسيتولة ، كول لا؟! هذا الدواء يؤثر في الجسم ، الخير حينما تتناوله بالفعل ايضاً شنو؟ يفيء عليك باثار ايجابية ، ليس فقط على الانسان والشخص والافراد ، بل على المجتمع ككل ايضا ، فالمجتمع اذا فعل الخيرات افاء الله عليه من الخير الكثير، واذا فعل السيئات افاء عليه من البلاء الكثير ، فما يصيبنا من بلاء فهو من ايدينا حبيبي ، وليس الله بظلام للعبيد ، ابداً ، وكذلك فعل الشر فان له تأثيرات سلبية ، هم راح امثلك مثال ، كشرب الماء البارد للمريض ، هم اكلك انت مصخن وكذا وتشرب ماي بارد ، تشرب ماي بارد؟ اكيد ما تشرب ، ليش؟ لانه بيهه اثار سلبية ، فكذلك فعل الشر معنوياً ايضا له اثار معنوية على الجسم وعلى المجتمع ايضا ، فاذا فعل المجتمع اثار وافعال غير خيرة وشريرة سوف يفيء الله عليه بالبلاء ، ولتعلموا ايضا ان فعل الخير الشخصي فيه تاثيرات ايجابية عامة ، يعني مثلاً ، واحد عشرة من المجتمع سوو سوء ، مو معناتهه بس همهالله يعاقبهم تره ، يعمم العقاب مو تكول لا بعدين ، سوءهم يصيبنا ولذلك الله شرّع الامر بالمعروف والنهي عن المنكر حتى ندرء البلاء عن الباقين بسبب هؤلاء السيئين ، وكذلك فعل الشر الشخصي فان فيه تاثيرات سلبية عامة كما فعل الخيرات الشخصية لها اثار ايجابية عامة ، ومن سن سنة حسنة فله اجرها واجر من عمل بها الى يوم القيامة وكذلك من سن سنة سيئة فعليه وزرها ووزر من عمل بها الى يوم القيامة ، ونشبهها ايضا بصانع السلاح ، اول واحد صنع السلاح ، كل من يقتل هنا حبيبي بركبته كول لا ؟! ، كل من يثير الطائفية والعنف في أي مجتمعٍ بركبته ، هاي القتلى والجرحى والثكلى والشهداء هم كول لا؟!، وفاعل الخير يجزى بعشرة اضعافها ، شوف العدل الإلهي وين وصل تفعل حسنة واحدة يعطيك عشرة اضعافها وتفعل سيئة واحدة يعطيك مثلها فقط ، اما احنه تفعل الخير محد يذكرلياك اصلاً ، بين ليلة وضحاها بل بين لحظة وضحاها ينسى واذا واحد سوى شيء بالمجتمع سيء اوو شيخلصه ، ان الجزاء عموماً سواءٌ الثواب منه او العقاب اما ان يكون في الدنيا واما ان يكون في الاخرة كما قلنا واذا احب الله عبداً ابتلاه وعاقبه في الدنيا قبل ان يعاقبه في الاخرة فلا تضيع ثوابك فاذا ابتليت اصبر ، اذهبتم طيباتكم في حياتكم الدنيا ، لا لتذهبوها اتحملوا البلاء هنا احسن ما تتعاقبون بالآخرة وجوية هناك وحدة تعادللها الف بلاء هنا حبيبي والعقاب كذلك ومن هنا فانه يجب علينا ان نختار الطريق الصحيح لكي نستحق الثواب ونتجنب العقاب ، احسن الاختيار ، مثلاً حينما تريد الزواج ، احسن اختيار الزوجة فاذا اخترت زوجة صالحة شراح يصير؟ راح سعادة وراحة ، فاحسنت الاختيار نتج شنو ؟ نتائج حسنة ، فكذلك حينما تختار طريقك السيء سوف تكون نتائجك شنو؟ سيئة ، واذا اخترت الطريق الصحيح والجيد ستكون نتائجك جيدة ، واختيار الطبيب الصحيح من تتمرض وين تروح؟ لأي طبيب لو طبيب اشوية ماشي حاله فتختار الطبيب ويطيك العلاج شراح ينتج؟ صحة وعافية وخير فكذلك حينما تختار طريقك في الدنيا اختر احسن الطرق حبيبي لا تختار أسوأ الطرق حتى نتيجتها تترتب عليها ، طبعاً اني راح اكول فد شيء ليس من باب السياسة ابداً لأنه مشروع الإصلاح ديني عقائدي بحت واضح؟ ولا دخل له ايضاً بالشنو؟ بالسياسة ، فحينما تختار الصالحين الكفوئين من المرشحين ايضاً شنو؟ راح ترتاح ، بس من تختار السيئين شراح يصير؟ راح مترتاح كما اربع سنوات السابقة و السابقة واكلنا منها كثير من الشرور حبيبي وتحملنا الكثير من البلاءات احسن اختيارك للمرشح رجاءً مدا احجي حجي سياسي ترى لأنه ليش راح تعرف ، لأنه اذا اخترنا السيء فنحن سيئون واذا احنه سيئين يعني شنو؟ يعني رب العالمين ينزل علينا البلاء مو تكول لا ، اختياركم سيء يصدر ضدكم البلاء ، اختياركم حسن يصدر من الله سبحانه وتعالى لكم الثواب ، اذا سامعين يكلولكم مشروع الإصلاح ما نجح ليش؟؟ هاي اكلك ، سوء اختيار ، لأنه ما اخترتوا و اطلعتوا ملايين كلكم من اجل دعم الإصلاح ، فرب العالمين اشسوه ما نجحكم مئة بالمئة كول لا؟! فلو كان هناك تجاوب كبير ومليوني لنجح مشروع الإصلاح ، لا يغير الله ما بقوم حتى يغيروا ما بأنفسهم ، ما ردتو الإصلاح الله هم كلكم ما لازم ، لو رايدين الإصلاح جان رب العالمين جاب طبق من ذهب وخلاه بين ايديكم اتفضلوا ، فمو بكيفي اني وبكيف مدري منو ومدري منو لا حبيبي الامر بيدكم ، احسنوا الاختيار رب العالمين يثيبكم ، سوءوا بالاختيار بلاء ، بعد كيفكم ، بل لو ان اللهسبحانه وتعالى وجد تجاوباً مليونياً مع الإصلاح لغير واقعنا والا سنبقى تحت وطأة الفساد والظلم ، مو تكولون ما كال ، واذا لم نغير وما ردنا نغير او تماهلنا بالتغيير او تقاعسنا عن التغيير بالمليونية الإصلاحية شراح يصير؟ رب العالمين هم يكلك ما لازم هم رايدين الفساد خل يمشي الفساد بعدين مو تجون يا مقتدى ها هذا فاسد وهذا فاسد وتعال خلصنا واضح؟ كلام واضح أتصور ، واذا لم نغيّر فهذا استحقاقنا ولا يمكن ان نصب جام غضبنا على السماء وان نعترض على الله واضح؟؟ وامثّل لكم مثالين عن مبدأ الاستحقاق ، المثال الأول اجه الشهيد الأول السيد محمد باقر الصدر (اعلى الله مقامه وقدس الله سره) طلع بثورة ضد صدام شنو صار؟ محد طلع وياه ! شنو صار ؟ استحقاقنا يبقى بصدام ، واعدمه صدام, لم يلقى تجاوب من الشعب العراقي فأستحق الشعب العراقي شنو؟ العذاب والعقاب في الدنيا هم جاي يرحمنا تره بالدنيا دي يطلعه بينة حتى لا يطلعه بالاخرة حتى لا ننتوي هناك, جاء الشهيد الاول فخذله الكثير فأنزل الله البلاء وجاء بصدام الملعون وازلامه البعثيين خذلناه ! فخذلنا الله سبحانه وتعالى اكوله وبملئ الفم , وجاء بعده الشهيد الثاني (تقدست نفسه) هم تره صار اكو خذلان شويه اقل من الشهيد الاول صحيح بس صار اكو خذلان وكذلك قُُتل واستشهد بعدين شنو صار؟ اجونه داعش والاحتلال او الاحتلال هاه ، يعني ماردتو السيد محمد الصدر ياالله جيب الهم احتلال جابلكم العذاب انظروا وِحدة وحدة ، جابلكم صدام وره الشهيد الاول جابلكم منو؟ الاحتلال بعد الشهيد الثاني بعدين شنو صار؟ جاءت المقاومة ضد الاحتلال هم ما صار اكو تجاوب هوايه شنو صار؟ انزل الله العقاب منو؟ داعش ، اجه مشروع الاصلاح محد اتجاوب وياه منو صار على راسنه؟ مع داعش فساد دواعش الفساد وصرنه بثنين مو بواحد كول لا؟! فكل ما ماتجاوبون ويه المصلحين والامرين بالمعروف والناهين عن المنكر اكلوهه بالبلاءات ، بعد مو بأدينه ، فجاء الشهيد الاول والشهيد الثاني و ان شاء الله الشهداء تترى واحد وره اللاخ ، أي هم اتمنولياه شكو بيهه ، اذا صار اكو خذلان هم انروح شكو بيه ، هاي هيه ، خل نضرب المثال الثاني ، اهم من ال الصدر ، الامام المهدي (عجل الله تعالى فرجه) روحي وارواح العالمين له الفداء ، شبيه؟ ليش صارله مئات السنين غائب ؟؟ بالله منو يكدر يجاوبني ؟ لأنه نحنُ مقصرون حبيبي ، استحقاقنا اقل من ان يظهر الامام ، لو جنه خوش اوادم جان ظهر الامام !! كول لا؟! خلي انصير خوش اوادم حتى يظهر الامام مو بس عجل الله فرجه و تخلي ايدك على راسك ما يفيد ، عملك الصالح هو ما يُفيد ، اعمل صالحاً من اجل الامام المهدي حتى يعجل الله فرجه ويسهل مخرجه والا ما يظهر حبيبي ، 24 ساعة نتعارك ونتصايح والخلافات وصدامات وقتل ودم وتريده وين يظهر؟ بس يظهر هم نكتله حبيبي ، ارجع من حيث اتيت ، اعاذنا الله واياكم ، فالامام المهدي ايضاً مرتبط بمبدأ الاستحقاق ، اذا استحققنا واستحق المجتمع ان يظهر لظهر ، اذن شوفوا وين واصل التدني ما اريد احجي هوايه ، فلننظر الى انفسنا اولاً والى المجتمعات ثانياً عسى ان نرتقي الى ما يرتضيه الله سبحانه وتعالى اولاً وامامنا المهدي ثانياً ونحن في ذكرى ولادته وفي شهره كول لا؟!
اتقوا الله حق تقاته ولا تموتن الا وانتم مسلمون
ما اريد اطيل عليكم شكراً لكم
توكــلــت على اللـه رب العالمين
وصلـى الـله على خير خلقه محمد واله اجمعين
السـلام على الحـضور الـكـرام ورحـمـة الـله وبركاته
اقرأ عليكم في البدء فقرة صغيرة من الدعاء وانتم قولوا يا الله
"اللهم انا نرغب اليك في دولة قوية تعز بها العراق واهله وتذل بها الفساد واهله وتجعلنا فيها من الدعاة الى نصرتك والقادة الى خدمتك وترزقنا بها كرامة الدنيا والاخرة بحق محمد واله الاطهار"
بعد ارجو الاصغاء رجاءً
بسم الله الرحمن الرحيم
موضوعنا لهذا الاسبوع ما اسميه بمبدأ الاستحقاق استحقاق العقاب واستحقاق الثواب من ذا يستحق العقاب؟ ومن ذا يستحق الثواب؟ وكلٌ عنده بمقدار لا يظلم ربك احداً على الاطلاق ولنعلم ايضا ان كلا الاستحقاقين خير وكل ما يصدر منالله سبحانه وتعالى فهو خير ولا يصدر من الله إلا الخير فإذا اثاب العبد فهو خيرٌ له وان عاقبه ايضا فهو خيرٌ له ليمحي ذنوبه لا ليُنكّل به ويعذبه فقط وكلا الاستحقاقين خير فأن يُجزى المؤمن بالثواب فهو خير وان يُعاقبْ المذنب فهو خير فالعقوبة ليست اهانة او تنكيل او استنقاص بل هي لمحو الذنوب ، ليش رب العالمين يعاقب العبد؟ شوف مرة يعاقبه بالدنيا ومرة يعاقبه بالاخرة ، اذا الله اراد ان يلطف بالمؤمن ، بالعبد ، يعاقبه في الدنيا ، ليش؟ حتى ميعاقبه بالاخرة ، عقوبة الدنيا مؤقتة وعقوبة الاخرة دائمية حبيبي ، شيطلعك بعد ، يعاقبك هنا احسنلك
يعني مو مجرد ان يصيبك البلاء او العقوبة تجزع ، اصبر ثم اصبر ، فالعقوبة ليست تنكيل وإنما لمحو الذنوب ، واعلموا ايضا ايها الاخوة الاحبة ان فِعل الخير له آثارٌ ايجابية وان فِعل الشر له آثار سلبية ، اما آثار الخير ، امثللكم مثال ، الجسم بالعلوم الحالية يكلك يحتاج الى رياضة ، مارس الرياضة لكي يستفيد جسمك ، ايضا اني اكلك مارس الخير ليستفيد نفسك وروحك وعقلك وجسدك ، نحن اكرر وقلتها في موارد سابقة لا نؤمن بالماديات فقط ، نؤمن مو لا ما نؤمن ، لكن لا نؤمن بها فحسب بل نؤمن كما ان هناك ماديات هناك امور معنوية كما ان الرياضة تفيد الجسم وتفيد الانسان فكذلك فعل الخير يفيد الجسم ويفيد الانسان ، واضح؟ واعلموا ان فعل الخير له آثار ايجابية كالرياضة بالنسبة الى الجسم ، او قل كتأثير الدواء ، شوف من تتمرض تروح للطبيب مو ينطيك دواء ، هاي يكلك يابه انت منشول روح ابلعلك شنو؟ براسيتولة ، كول لا؟! هذا الدواء يؤثر في الجسم ، الخير حينما تتناوله بالفعل ايضاً شنو؟ يفيء عليك باثار ايجابية ، ليس فقط على الانسان والشخص والافراد ، بل على المجتمع ككل ايضا ، فالمجتمع اذا فعل الخيرات افاء الله عليه من الخير الكثير، واذا فعل السيئات افاء عليه من البلاء الكثير ، فما يصيبنا من بلاء فهو من ايدينا حبيبي ، وليس الله بظلام للعبيد ، ابداً ، وكذلك فعل الشر فان له تأثيرات سلبية ، هم راح امثلك مثال ، كشرب الماء البارد للمريض ، هم اكلك انت مصخن وكذا وتشرب ماي بارد ، تشرب ماي بارد؟ اكيد ما تشرب ، ليش؟ لانه بيهه اثار سلبية ، فكذلك فعل الشر معنوياً ايضا له اثار معنوية على الجسم وعلى المجتمع ايضا ، فاذا فعل المجتمع اثار وافعال غير خيرة وشريرة سوف يفيء الله عليه بالبلاء ، ولتعلموا ايضا ان فعل الخير الشخصي فيه تاثيرات ايجابية عامة ، يعني مثلاً ، واحد عشرة من المجتمع سوو سوء ، مو معناتهه بس همهالله يعاقبهم تره ، يعمم العقاب مو تكول لا بعدين ، سوءهم يصيبنا ولذلك الله شرّع الامر بالمعروف والنهي عن المنكر حتى ندرء البلاء عن الباقين بسبب هؤلاء السيئين ، وكذلك فعل الشر الشخصي فان فيه تاثيرات سلبية عامة كما فعل الخيرات الشخصية لها اثار ايجابية عامة ، ومن سن سنة حسنة فله اجرها واجر من عمل بها الى يوم القيامة وكذلك من سن سنة سيئة فعليه وزرها ووزر من عمل بها الى يوم القيامة ، ونشبهها ايضا بصانع السلاح ، اول واحد صنع السلاح ، كل من يقتل هنا حبيبي بركبته كول لا ؟! ، كل من يثير الطائفية والعنف في أي مجتمعٍ بركبته ، هاي القتلى والجرحى والثكلى والشهداء هم كول لا؟!، وفاعل الخير يجزى بعشرة اضعافها ، شوف العدل الإلهي وين وصل تفعل حسنة واحدة يعطيك عشرة اضعافها وتفعل سيئة واحدة يعطيك مثلها فقط ، اما احنه تفعل الخير محد يذكرلياك اصلاً ، بين ليلة وضحاها بل بين لحظة وضحاها ينسى واذا واحد سوى شيء بالمجتمع سيء اوو شيخلصه ، ان الجزاء عموماً سواءٌ الثواب منه او العقاب اما ان يكون في الدنيا واما ان يكون في الاخرة كما قلنا واذا احب الله عبداً ابتلاه وعاقبه في الدنيا قبل ان يعاقبه في الاخرة فلا تضيع ثوابك فاذا ابتليت اصبر ، اذهبتم طيباتكم في حياتكم الدنيا ، لا لتذهبوها اتحملوا البلاء هنا احسن ما تتعاقبون بالآخرة وجوية هناك وحدة تعادللها الف بلاء هنا حبيبي والعقاب كذلك ومن هنا فانه يجب علينا ان نختار الطريق الصحيح لكي نستحق الثواب ونتجنب العقاب ، احسن الاختيار ، مثلاً حينما تريد الزواج ، احسن اختيار الزوجة فاذا اخترت زوجة صالحة شراح يصير؟ راح سعادة وراحة ، فاحسنت الاختيار نتج شنو ؟ نتائج حسنة ، فكذلك حينما تختار طريقك السيء سوف تكون نتائجك شنو؟ سيئة ، واذا اخترت الطريق الصحيح والجيد ستكون نتائجك جيدة ، واختيار الطبيب الصحيح من تتمرض وين تروح؟ لأي طبيب لو طبيب اشوية ماشي حاله فتختار الطبيب ويطيك العلاج شراح ينتج؟ صحة وعافية وخير فكذلك حينما تختار طريقك في الدنيا اختر احسن الطرق حبيبي لا تختار أسوأ الطرق حتى نتيجتها تترتب عليها ، طبعاً اني راح اكول فد شيء ليس من باب السياسة ابداً لأنه مشروع الإصلاح ديني عقائدي بحت واضح؟ ولا دخل له ايضاً بالشنو؟ بالسياسة ، فحينما تختار الصالحين الكفوئين من المرشحين ايضاً شنو؟ راح ترتاح ، بس من تختار السيئين شراح يصير؟ راح مترتاح كما اربع سنوات السابقة و السابقة واكلنا منها كثير من الشرور حبيبي وتحملنا الكثير من البلاءات احسن اختيارك للمرشح رجاءً مدا احجي حجي سياسي ترى لأنه ليش راح تعرف ، لأنه اذا اخترنا السيء فنحن سيئون واذا احنه سيئين يعني شنو؟ يعني رب العالمين ينزل علينا البلاء مو تكول لا ، اختياركم سيء يصدر ضدكم البلاء ، اختياركم حسن يصدر من الله سبحانه وتعالى لكم الثواب ، اذا سامعين يكلولكم مشروع الإصلاح ما نجح ليش؟؟ هاي اكلك ، سوء اختيار ، لأنه ما اخترتوا و اطلعتوا ملايين كلكم من اجل دعم الإصلاح ، فرب العالمين اشسوه ما نجحكم مئة بالمئة كول لا؟! فلو كان هناك تجاوب كبير ومليوني لنجح مشروع الإصلاح ، لا يغير الله ما بقوم حتى يغيروا ما بأنفسهم ، ما ردتو الإصلاح الله هم كلكم ما لازم ، لو رايدين الإصلاح جان رب العالمين جاب طبق من ذهب وخلاه بين ايديكم اتفضلوا ، فمو بكيفي اني وبكيف مدري منو ومدري منو لا حبيبي الامر بيدكم ، احسنوا الاختيار رب العالمين يثيبكم ، سوءوا بالاختيار بلاء ، بعد كيفكم ، بل لو ان اللهسبحانه وتعالى وجد تجاوباً مليونياً مع الإصلاح لغير واقعنا والا سنبقى تحت وطأة الفساد والظلم ، مو تكولون ما كال ، واذا لم نغير وما ردنا نغير او تماهلنا بالتغيير او تقاعسنا عن التغيير بالمليونية الإصلاحية شراح يصير؟ رب العالمين هم يكلك ما لازم هم رايدين الفساد خل يمشي الفساد بعدين مو تجون يا مقتدى ها هذا فاسد وهذا فاسد وتعال خلصنا واضح؟ كلام واضح أتصور ، واذا لم نغيّر فهذا استحقاقنا ولا يمكن ان نصب جام غضبنا على السماء وان نعترض على الله واضح؟؟ وامثّل لكم مثالين عن مبدأ الاستحقاق ، المثال الأول اجه الشهيد الأول السيد محمد باقر الصدر (اعلى الله مقامه وقدس الله سره) طلع بثورة ضد صدام شنو صار؟ محد طلع وياه ! شنو صار ؟ استحقاقنا يبقى بصدام ، واعدمه صدام, لم يلقى تجاوب من الشعب العراقي فأستحق الشعب العراقي شنو؟ العذاب والعقاب في الدنيا هم جاي يرحمنا تره بالدنيا دي يطلعه بينة حتى لا يطلعه بالاخرة حتى لا ننتوي هناك, جاء الشهيد الاول فخذله الكثير فأنزل الله البلاء وجاء بصدام الملعون وازلامه البعثيين خذلناه ! فخذلنا الله سبحانه وتعالى اكوله وبملئ الفم , وجاء بعده الشهيد الثاني (تقدست نفسه) هم تره صار اكو خذلان شويه اقل من الشهيد الاول صحيح بس صار اكو خذلان وكذلك قُُتل واستشهد بعدين شنو صار؟ اجونه داعش والاحتلال او الاحتلال هاه ، يعني ماردتو السيد محمد الصدر ياالله جيب الهم احتلال جابلكم العذاب انظروا وِحدة وحدة ، جابلكم صدام وره الشهيد الاول جابلكم منو؟ الاحتلال بعد الشهيد الثاني بعدين شنو صار؟ جاءت المقاومة ضد الاحتلال هم ما صار اكو تجاوب هوايه شنو صار؟ انزل الله العقاب منو؟ داعش ، اجه مشروع الاصلاح محد اتجاوب وياه منو صار على راسنه؟ مع داعش فساد دواعش الفساد وصرنه بثنين مو بواحد كول لا؟! فكل ما ماتجاوبون ويه المصلحين والامرين بالمعروف والناهين عن المنكر اكلوهه بالبلاءات ، بعد مو بأدينه ، فجاء الشهيد الاول والشهيد الثاني و ان شاء الله الشهداء تترى واحد وره اللاخ ، أي هم اتمنولياه شكو بيهه ، اذا صار اكو خذلان هم انروح شكو بيه ، هاي هيه ، خل نضرب المثال الثاني ، اهم من ال الصدر ، الامام المهدي (عجل الله تعالى فرجه) روحي وارواح العالمين له الفداء ، شبيه؟ ليش صارله مئات السنين غائب ؟؟ بالله منو يكدر يجاوبني ؟ لأنه نحنُ مقصرون حبيبي ، استحقاقنا اقل من ان يظهر الامام ، لو جنه خوش اوادم جان ظهر الامام !! كول لا؟! خلي انصير خوش اوادم حتى يظهر الامام مو بس عجل الله فرجه و تخلي ايدك على راسك ما يفيد ، عملك الصالح هو ما يُفيد ، اعمل صالحاً من اجل الامام المهدي حتى يعجل الله فرجه ويسهل مخرجه والا ما يظهر حبيبي ، 24 ساعة نتعارك ونتصايح والخلافات وصدامات وقتل ودم وتريده وين يظهر؟ بس يظهر هم نكتله حبيبي ، ارجع من حيث اتيت ، اعاذنا الله واياكم ، فالامام المهدي ايضاً مرتبط بمبدأ الاستحقاق ، اذا استحققنا واستحق المجتمع ان يظهر لظهر ، اذن شوفوا وين واصل التدني ما اريد احجي هوايه ، فلننظر الى انفسنا اولاً والى المجتمعات ثانياً عسى ان نرتقي الى ما يرتضيه الله سبحانه وتعالى اولاً وامامنا المهدي ثانياً ونحن في ذكرى ولادته وفي شهره كول لا؟!
اتقوا الله حق تقاته ولا تموتن الا وانتم مسلمون
ما اريد اطيل عليكم شكراً لكم
الثلاثاء، 8 مايو 2018
النص الكامل لمحاضرة القائد السيد مقتدى محمد الصدر اعزه الله حول أسس الخطاب الديني 26 / 4 / 2018
اعوذ بالله من الشيطان اللعين الرجيم
توكلت على الله رب العالمين
وصلّى الله على خير خلقه محمدٍ وآله أجمعين
بسم الله الرحمن الرحيم
تكلمنا في الجلسة السابقة عن الامر بالمعروف والنهي عن المنكر وكان الكلام في الآمر والمأمور وفي مضمون الامر بالمعروف والنهي عن المنكر ، وتطرقتُ ضمناً الى امرين مهمين جداً ، احببت ان استدرك للخوض في تفاصيلها ، فارجو الاصغاء منكم لكي نكمل الخطبة او الكلمة سريعاً .
الاول : ما تطرقت له هو الخطاب الديني وما قلنا من ضرورة التجديد فيه بحيث يتلائم والظروف الحالية ، مو يكعد المستمع منعّس! والخطيب يصدح صوته والمستمع يطلع وره الخطبة جنه كلشي ما مستفيد ! ،
فاذن ، كيف وماذا نفعل لكي يُصغي الاخرين لنا نحن اصحاب الخطاب الديني ؟ لكي نُفهم الاخرين ماذا نقول وماذا نتكلم ، الخطاب الديني الحالي له ميزة كبيرة جداً يتميز بها عن باقي الخطابات الغير الدينية ، الفكرية والثقافية وما الى ذلك وغير الاسلامية ايضا . يتميز بان هذا الخطاب لا ياخذ فقط الامور المادية في خطاباته وفي تفصيلاته وفي آلياته ، بل يرّكز على الامور المعنوية التي تربطه بالله سبحانه وتعالى ، وهذه هي الميزة الوحيدة التي يتميز بها الخطاب الديني عن الباقين ، البقية كلهم يشرحولك بالامور العلمية والثقافية ويستدلولك بيهه ، مجرد ان نوصل للامور المعنوية يوكفون ، لا احنه نخوض بالامور المعنوية ولا نخوض بالامور المادية ، لكن الخوض بالامور المعنوية وترك المادية ايضاً فيه نوعٌ من الخلل ، فلابد ان ندمج ما بين الامور المعنوية والامور المادية .
وكذلك ركّز الخطاب الديني على امر مهم آخر وهو العاطفة ، ولذلك نجد ان الخطباء اكثرهم شيسوولك ؟ يبجوك ، فاذا تبجي راح تتعاطف ويه المعصومين ! ما تبجي ما تتعاطف ويه المعصومين ! ويه الخطاب الاسلامي ، ويه الحكم الشرعي ، بلا بكاء لا تتعاطف ، نعم البكاء مهم جداً جداً ، حتى ورد بما معناه انه رحم الله من بكى وابكى وتباكى علينا ، على المعصومين سلام الله عليهم ، وهذا امر مهم جداً ، فهذا الاسلوب المعنوي والاسلوب المادي وهناك اساليب اخرى كذكر الاحكام الشرعية ، طبعا حتى الاحكام الشرعية بعض الخطباء ميذكروها ، بس يبجيك وينزل ويروح .
هذه الامور الثلاثة على اهميتها وعلى فعاليتها نحتاج الى تنظيمها وتجديدها باسلوب آخر يتلائم والوضع الحضاري الحالي ، فمثلاً بدل ان ، مو بدل ، ابكي على الحسين ، ابكي على الامام امير المؤمنين سلام الله عليه ، البكاء فيه الثواب الكثير ، الكثير يبكون ، لكن يبكي على ماذا ؟ لماذا ضُربتْ هامة امير المؤمنين سلام الله عليه بعظمته ؟ ليش ضربوه ؟ لماذا قطعوا رأس الحسين سلام الله عليه ؟ لماذا دسوا السُم للإمام الفلاني والفلاني ؟ كلهم ما بين شهيد وقتيل سلام الله عليهم اجمعين ، روحي وارواح العالمين لهم الفداء ، بس ليش ؟ هذا محد يذكرهم ، اذكر سبب مقتلهم وقتلهم ، اذكر بانهم كانوا معارضين للظلم ، كانوا معارضين للفساد ، فلو عُرِفَ السبب بَطُلَ العجب ، هوايه الاف المصلحين قُتلوا ما بعد المعصومين سلام اللهعليهم ، ايضا بسبب انهم ساروا على نهج الائمة سلام الله عليهم ، فهذا من ناحية البُكاء .
من الناحية الثانية ، الاحكام الشرعية ، يجي الخطيب ويحجيلك بعض الاحكام الشرعية على الصلاة وعلى الصوم وما شابه ذلك ، وبعدين ؟ هو اصلاً ما مقتنع لعله الكاعد جوه المنبر بالاحكام الشرعية ، لو مقتنع لو ما مقتنع ؟ ما ادري ، لانه تره هوايه اكو هالايام ناس تبكي على الحسين ، تحب الحسين بس ما تحب الاحكام الشرعية وتصيّح نحن على نهج الحسين ، كول لا ؟! فهاي هواي اكو مناه ومنانه يدّعون الانتماء للامام الحسين والحسين منهم براء ، ما يتقربون للاحكام الشرعية ، يُكلك اكثر من هذا ، لا ، اضحية عقيقة هايه ماشية عدهم بس من توصل للصلاة والصوم والله ها ، لو ثابتة لو مو ثابتة !! ، هذا يضحك على نفسه لو يضحك على ربه ؟! والله ما ادري ، حتى ما يضحك على نفسه ، هذا عقل ما عنده حبيبي ، فعليه ، ان تستدل بالاحكام الشرعية على إثبات الاحكام الشرعية هذا فد شي عقلاً ومنطقاً مو صحيح ، فنحتاج الى خطاب آخر يقنع الآخرين الجالسين جوه منبرك بالاحكام الشرعية حتى يصلي ويصوم ، زين ، مو بس هاي ، الاحكام الشرعية تحتاج الى توسيع ، شلون؟ قبل مئات السنين الحياة ضيقة ، طبعا اكلك حلال محمد حلال الى يوم القيامة وحرامه حرام الى يوم القيامة ، مو تستقطع هاي المقطوعة ، ما من واقعة الا ولها حكم ، هذه ضروية ما نتنازل عنها ، لكن مع ذلك ، ان تتسع رقعة الحياة فلابد ان تتسع معها الاحكام الشرعية ، امثلك مثال ، قبل ، تقطع مسافة كذا كيلومتر شراح تصير ؟ راح تصلي قصر ، مو ؟ هاي المسافة إزاحةً ، بالله ما جانت اكو عمارة ، ناطحات السحاب يجوز من اولها الى اخيرها 22 كيلومتر ونص ، زين اكو واحد طرحلك انه اذا انت تصعد ليفوك 22 كيلو ونص هم كون مثلاً تقصر الصلاة لو ما تقصر الصلاة ؟ اقلها للنقاش هسه آني مو للفتوى ، هذه كون ما دام انت على نفس النقطة فهي نفس الكذا ، بس من تُوسّع النقاش تتسع العقلية يتجاوب معك الاخرون في تعاطفهم مع الاحكام الشرعية ومع الاسلام ، فعليه :
- وسّع رقعة الاحكام الشرعية
- عقليتك خل تنفتح
- تجاوب مع الحضارة جوز بعضها حرام ، لا تتجاوب وياهه ، كلهم حرام ، اكو بعض الامور الاخرى كلهم حلال ، احنه ما نصير داعش ثانيين ، كلشي جديد عن زمن رسول الله فهو حرام ، ماكو هيجي شي ، يُمكن ان نسخّره لصالح الاسلام والمسلمين .
الأمر الآخر الذي هو من أسس الخطاب الديني بعد الامور المعنوية والبُكاء والاحكام الشرعية ، التاريخ ، يعتمد عليهالخطاب الديني كثيراً ، ينقلّك كذا فعل المعصوم ، طبعاً فعل المعصوم وتقريره ما منهه ما نتنازل عنه ، كل ما يفعله نفعله ، نتأسى به ، نقطة رأس سطر خلاص ، بعد محد يُكلك غير هذا الشي ، بس لا تركز على الامور التاريخية الي بيهه صراعات وطائفية وحزبية وما شابه ذلك ، 24 ساعة فلان كتل فلان وفلان كتل فلان ، ابتعد عن هذه الاساليب لكي يتقبّل الآخرين خطابك ، مو 24 ساعة تشتم ، همه نفسهم الائمة ما شتموا اعدائهم ، بل والذين شتموا اعدائهم من اصحابهم نهوهم عن ذلك ، بعد ، فانت تفعل شي منهيٌ عنه من قبل المعصوم سلام الله عليهم ، انت اذن عاصي للمعصوم ، اذن لا تروح تحجي فقط على الدواعش العصاة للمعصومين ، انت هم عاصي للمعصومين ، لو اتوافق مع قول المعصوم لو التحق بداعش وما داعش والعصاة والمنحرفين .
التاريخ يحتوي على كم هائل من الحكم والنصائح كلها اعوفها واتركها واتناساها وانساها بس اجي للخلافية فقط منها ! هذا خطاب تحريضي مرفوض 100 % ، ركّز على المشتركات واترك الخلافيات .
وعليه ، زين ، كُلنه التاريخي على جودته يحتاج الى تنظيم ، المعنوي كذلك ، الاحكام الشرعية كذلك ، البكاء والعاطفة كذلك ، كلها جيدة لا يقطعون الجيد وبس يطلعوني شنو؟ انقد البكاء وغيره ، لا ، نريد تنظيم البكاء ، توسيع رقعة الاحكام الشرعية ، التركيز على الامور التاريخية المفيدة النه وليس فقط الخلافية والتي تؤجج الصراعات ، شلون ؟ ( اطرح اطروحات عالسريع مادام المطر خير وبركة ) من خلال الخطاب الاخلاقي قولاً وفعلاً ، يعني شنو؟ يعني آني اصعد للمنبر او فلان من الناس يصعد الى المنبر ، مثلا انطيك مثال ، قبل ساعة هو مأركل ، شارب أركيلة ، راس كامل وجاي !! ومن يصعد يابه لا تشربون اركيلة ! هذا مو خطاب اخلاقي ، هذا اني اعتبره نفاق ، يا أما ببيتي اطبق واجي القيها الكلمات فوك رؤوسكم على مسامعكم ، فبها ونعمت ، والا خل اتكتر واكعد احسنلي واشرفلي ، واضح ؟ ، قولا وفعلا ، فكل واحد ميسوي ويجي يخطب فوك راسك وينصحك لا تحضرله منبر ، دير وجهك وروح احسنلك .
ثانيا الخطاب الحضاري والتكنولوجي ، راح يزعلون هوايه ناس من داخل الحوزة وخارجها ، لا ، سوّي خطابك حضاري وتكنولوجي حبيبي ، احنه كبل كتاب شرائع الاسلام ندرسه بالحوزة ، اول ما نجي ندرسه بالحوزة ، ودرسنياه آني السيدالوالد ، اول متفتحه اول صفحتين يجيك نزح البئر، عالعين والرأس ، جانو يكولون الشرائع شي رائع ، من افضل الكتب التي كتبت في الفقه في حينها ، ولو كان موجود ابو الشرائع لألّف كتاب حضاري تكنولوجي ، كول لا ؟! وعليه ، بير هو جان يُكلك نزح البئر اذا تنجس البئر ينزح منه كذا ينزح منه كذا ، طلبة العلم ما شاء الله موجودين الاخوة الافاضل ويعرفون هاي ، يجوز انتو متعرفوها ، بس وين وصل العلم ؟ وصل العلم انه ينزّل ماي المطر وماكو غيم ، زين هاي ماي المطر الينزل يصير تتوضه بيه لو ميصير تتوضه بيه ؟ ،اسألك اي طالب علم اي واحد بالحوزة ميجاوبك ، هذا الماي جايز تتوضه بيه ؟ هل هو من المضاف ؟ هل هو ماء اصلا ؟ يطلق عليه ماء او كذا ؟ فتّح عقليتك ، وسع نظرك ، هاي امثلة بسيطة وما خفي اعظم ( الخطاب الحضاري والتكنولوجي المتعارف حالياً ).
ثالثا :الخطاب الجوهري الظاهري لحياة المعصوم وسيرته الكاملة على جميع الاصعدة ، كما قلنا ، اذكر قتل الحسين ، رحمالله من احيا ذكرنا ، لكنه مو فقط تذكر ان الحسين قُتِل ، اذكره على العين والرأس ، اسباب قتل الإمام الحسين ، ليش ؟ قتلوا فيك التكبير والتهليلا ، قتلوا فيه الاصلاح ، قتلوا فيه ذكر الله ، فعليه ركّزْ على الاسباب التي دعت الدّعي ابن الدّعي لقتل الإمام الحسين ، الذي هو اشرف الخلق في حينه .
هذا الخطاب الجوهري الظاهري ، وكذلك حياة المعصومين ، هم مو بس تذكر فقط ان الامام علي قاتَلَ ، ان الامام الحسن قاتَلَ ، ان الامام الحسين قاتل ، وكأنما المعصومين ما عدهم غير شنو؟ القتال بس ، زين ، اذكر باقي اكلهم شربهم كعدتهم حياتهم ثقافتهم فكرهم اخلاقهم مو بس تركزلي على شي واحد ، آنه فد يوم واحد من الايام حتى على سيرة السيد الوالد اللهيقدس نفسه ، فقط نذكره وين ؟ بصلاة الجمعة مثلاً ، وكأنما السيد الوالد فقط عنده فقط بس صلاة الجمعة وهاي انتهى حياته ، كلها الباقية فراغ في فراغ ، مو صحيح ، ركّز على باقي الحياة حبيبي ، عوفنا هسه من ال الصدر ، المعصومين حياتهم زاخرة بالاخلاق والسمو والعفو والتكامل والفناء .
الخطاب الباطني هذا مراح اركز عليه هواي ، نحتاج الى الرجوع الى الباطن ، باطنّا اذا كان صالح ظاهرنا يكون ايضا صالح ، الوعاء ، هذا كلاص الماي اذا جان وصخ وصبيت بي ماي ، تشربه للماي ؟ متشربه ، فيجب ان تنظف الكلاص حتى تصب بيه ماي حتى يصير نظيف حتى تصب بي ماي حتى تشربه ، يا اخي نظف نفسك كبل متنظف ظاهرك .
الخطاب الباطني والعرفاني من دون كشف الاسرار ، مو اي واحد يجي يدّعي براسكم انو اني من اهل الباطن ، اتقوا الله ، كفنائهم في الله سبحانه وتعالى ، آنه احجي على باطن اهل البيت سلام الله عليهم وأي واحد اتحداه اذا تقدّم انملة اذا ما احترك تعال خل يعتب عليه ، كفنائهم في الله وتفانيهم واخلاصهم ومحبتهم للناس وابويتهم الى الناس اجمع .
بعد ، الخطاب النفسي والاجتماعي ، ادرس الوجوه حبيبي زين باوعها واحد واحد ، شوف شنو ذوله ، شنو بداخلهم ، مو وانت على المنبر ، روحلهم ، المعممين كلها كاعدة ببيوتها شكو؟ خل تطلع للناس ، خل تروح تشوف حالتهم النفسية شنو ، حتى من اصعد هذا المنبر اعرف شحجي واعرف شما احجي ، واله اصعد ، انتو مشكلتكم مثلا هنانه الكهرباء اجي احجي على الماي ! متقبل يعني هاي خطأ ، فاعرف النفسية واعرف ما في الداخل ، وهذا ما اصعبه ، زين ، اقرء الوجوه حبيبي ، شيريدون ، مو تتنزل وياهم وتنحرف ويه بعض المنحرفين حاشاكم ، لا ، بس اعرف شنو مشاكلهم ، حتى تعرف شلون تحلها .
الخطاب النفسي والاجتماعي الذي يتلائم مع العقول والنفوس مع الحفاظ على الاسس العامة وتحديد مشاكل المنطقة عن منطقة اخرى .
الخطاب اخر ، الخطاب المُُنتِجْ ، يعني ، مو تصعد على المنبر تذبلك شبهة وشبهتين وعشرة ، وبعدين تنزل وتدير وجهك ، يابه الجواب وينه ؟ ودخلّت شبهة بالآف ، بعقول الالاف وقلوب الالاف وانت داير وجهك ورايح ، اذا تذكر شبهة ردها ، متكدر لا تصعد منبر ، هم تكتر ، الخطاب المنتج ، فلا تطرح اشكالا او شبهة من دون الرد عليها .
الخطاب الاخر ، الخطاب الوحدوي ، ولا تركزلي على الطائفية والحزبية والسياسة بس ، كافي جزعنا من السياسة ، هسه تجي انتخابات كل اربع سنين ميخالف خلصنا منها ، بس مو خلال الاربع سنين طولها كلها سياسة ، اكو فد شي اسمه دين ، اكو فد شي اسمه سياسة ، ولا نقبل بفصل الدين عن السياسة ولا السياسة عن الدين ، واحجيها هاي هسه حتى تفتهمون شنو ، ركزلي على الخطاب الوحدوي الذي يجمع الشعب العراقي ، مو 24ساعة ترشرش بالفتن مناه ومناه ، وتصير صراعات وتكول مالي علاقة ، روح شوف الفضائيات ما شاء الله ، الامام العباس والامام الحسين و 24 ساعة بجي ، حتى بالاحتفالات بجي !! ما اعرف ، يعني ، بكاء بكاء ، على راسي وانا اول البكائين ولست اخرهم ، لكن مو دائما ، هذا هم يجزّع الاخرين حبيبي ، مو صحيح .
بعد ، الخطاب الاختياري والابتعاد عن التهديد والوعيد ، تره الله هيج يحركها وهيج يسوي وهيج كذا ، كافي تهديد ، اكو شي ، الاسلوب الاول تهديد ، الاسلوب الثاني شنو بالله ؟ الترغيب ، اُرّغب الاخرين ، يعني مو 24 ساعة تهديد ، شايل سيف وتصيح بسيفك !! هددهم ميخالف ، بس من تهدد هم شويه رغّب ايضا ، فالترغيب والترهيب .
الخطاب الاخر، الخطاب الثوري والجهادي بعيدا عن العنف الفوضوي والطائفي فهذا ايضا يحرّك في نفوس الناس ويذكرهم بالله سبحانه وتعالى ، آنه احاول اختصر.
الخطاب الفلسفي اي فلسفة الاحكام ، جوهر الحكم ، جوهر الصلاة ، جوهر الصوم ، جوهر الحج ، مو فقط تكلهم حجوا صوموا صلوا ، ليش تحج ؟ ليش تصلي ؟ ليش تصوم ؟
لهنانه اكتفي ان شاء الله اكمل على الاسبوع القادم
توكلت على الله رب العالمين
وصلّى الله على خير خلقه محمدٍ وآله أجمعين
بسم الله الرحمن الرحيم
تكلمنا في الجلسة السابقة عن الامر بالمعروف والنهي عن المنكر وكان الكلام في الآمر والمأمور وفي مضمون الامر بالمعروف والنهي عن المنكر ، وتطرقتُ ضمناً الى امرين مهمين جداً ، احببت ان استدرك للخوض في تفاصيلها ، فارجو الاصغاء منكم لكي نكمل الخطبة او الكلمة سريعاً .
الاول : ما تطرقت له هو الخطاب الديني وما قلنا من ضرورة التجديد فيه بحيث يتلائم والظروف الحالية ، مو يكعد المستمع منعّس! والخطيب يصدح صوته والمستمع يطلع وره الخطبة جنه كلشي ما مستفيد ! ،
فاذن ، كيف وماذا نفعل لكي يُصغي الاخرين لنا نحن اصحاب الخطاب الديني ؟ لكي نُفهم الاخرين ماذا نقول وماذا نتكلم ، الخطاب الديني الحالي له ميزة كبيرة جداً يتميز بها عن باقي الخطابات الغير الدينية ، الفكرية والثقافية وما الى ذلك وغير الاسلامية ايضا . يتميز بان هذا الخطاب لا ياخذ فقط الامور المادية في خطاباته وفي تفصيلاته وفي آلياته ، بل يرّكز على الامور المعنوية التي تربطه بالله سبحانه وتعالى ، وهذه هي الميزة الوحيدة التي يتميز بها الخطاب الديني عن الباقين ، البقية كلهم يشرحولك بالامور العلمية والثقافية ويستدلولك بيهه ، مجرد ان نوصل للامور المعنوية يوكفون ، لا احنه نخوض بالامور المعنوية ولا نخوض بالامور المادية ، لكن الخوض بالامور المعنوية وترك المادية ايضاً فيه نوعٌ من الخلل ، فلابد ان ندمج ما بين الامور المعنوية والامور المادية .
وكذلك ركّز الخطاب الديني على امر مهم آخر وهو العاطفة ، ولذلك نجد ان الخطباء اكثرهم شيسوولك ؟ يبجوك ، فاذا تبجي راح تتعاطف ويه المعصومين ! ما تبجي ما تتعاطف ويه المعصومين ! ويه الخطاب الاسلامي ، ويه الحكم الشرعي ، بلا بكاء لا تتعاطف ، نعم البكاء مهم جداً جداً ، حتى ورد بما معناه انه رحم الله من بكى وابكى وتباكى علينا ، على المعصومين سلام الله عليهم ، وهذا امر مهم جداً ، فهذا الاسلوب المعنوي والاسلوب المادي وهناك اساليب اخرى كذكر الاحكام الشرعية ، طبعا حتى الاحكام الشرعية بعض الخطباء ميذكروها ، بس يبجيك وينزل ويروح .
هذه الامور الثلاثة على اهميتها وعلى فعاليتها نحتاج الى تنظيمها وتجديدها باسلوب آخر يتلائم والوضع الحضاري الحالي ، فمثلاً بدل ان ، مو بدل ، ابكي على الحسين ، ابكي على الامام امير المؤمنين سلام الله عليه ، البكاء فيه الثواب الكثير ، الكثير يبكون ، لكن يبكي على ماذا ؟ لماذا ضُربتْ هامة امير المؤمنين سلام الله عليه بعظمته ؟ ليش ضربوه ؟ لماذا قطعوا رأس الحسين سلام الله عليه ؟ لماذا دسوا السُم للإمام الفلاني والفلاني ؟ كلهم ما بين شهيد وقتيل سلام الله عليهم اجمعين ، روحي وارواح العالمين لهم الفداء ، بس ليش ؟ هذا محد يذكرهم ، اذكر سبب مقتلهم وقتلهم ، اذكر بانهم كانوا معارضين للظلم ، كانوا معارضين للفساد ، فلو عُرِفَ السبب بَطُلَ العجب ، هوايه الاف المصلحين قُتلوا ما بعد المعصومين سلام اللهعليهم ، ايضا بسبب انهم ساروا على نهج الائمة سلام الله عليهم ، فهذا من ناحية البُكاء .
من الناحية الثانية ، الاحكام الشرعية ، يجي الخطيب ويحجيلك بعض الاحكام الشرعية على الصلاة وعلى الصوم وما شابه ذلك ، وبعدين ؟ هو اصلاً ما مقتنع لعله الكاعد جوه المنبر بالاحكام الشرعية ، لو مقتنع لو ما مقتنع ؟ ما ادري ، لانه تره هوايه اكو هالايام ناس تبكي على الحسين ، تحب الحسين بس ما تحب الاحكام الشرعية وتصيّح نحن على نهج الحسين ، كول لا ؟! فهاي هواي اكو مناه ومنانه يدّعون الانتماء للامام الحسين والحسين منهم براء ، ما يتقربون للاحكام الشرعية ، يُكلك اكثر من هذا ، لا ، اضحية عقيقة هايه ماشية عدهم بس من توصل للصلاة والصوم والله ها ، لو ثابتة لو مو ثابتة !! ، هذا يضحك على نفسه لو يضحك على ربه ؟! والله ما ادري ، حتى ما يضحك على نفسه ، هذا عقل ما عنده حبيبي ، فعليه ، ان تستدل بالاحكام الشرعية على إثبات الاحكام الشرعية هذا فد شي عقلاً ومنطقاً مو صحيح ، فنحتاج الى خطاب آخر يقنع الآخرين الجالسين جوه منبرك بالاحكام الشرعية حتى يصلي ويصوم ، زين ، مو بس هاي ، الاحكام الشرعية تحتاج الى توسيع ، شلون؟ قبل مئات السنين الحياة ضيقة ، طبعا اكلك حلال محمد حلال الى يوم القيامة وحرامه حرام الى يوم القيامة ، مو تستقطع هاي المقطوعة ، ما من واقعة الا ولها حكم ، هذه ضروية ما نتنازل عنها ، لكن مع ذلك ، ان تتسع رقعة الحياة فلابد ان تتسع معها الاحكام الشرعية ، امثلك مثال ، قبل ، تقطع مسافة كذا كيلومتر شراح تصير ؟ راح تصلي قصر ، مو ؟ هاي المسافة إزاحةً ، بالله ما جانت اكو عمارة ، ناطحات السحاب يجوز من اولها الى اخيرها 22 كيلومتر ونص ، زين اكو واحد طرحلك انه اذا انت تصعد ليفوك 22 كيلو ونص هم كون مثلاً تقصر الصلاة لو ما تقصر الصلاة ؟ اقلها للنقاش هسه آني مو للفتوى ، هذه كون ما دام انت على نفس النقطة فهي نفس الكذا ، بس من تُوسّع النقاش تتسع العقلية يتجاوب معك الاخرون في تعاطفهم مع الاحكام الشرعية ومع الاسلام ، فعليه :
- وسّع رقعة الاحكام الشرعية
- عقليتك خل تنفتح
- تجاوب مع الحضارة جوز بعضها حرام ، لا تتجاوب وياهه ، كلهم حرام ، اكو بعض الامور الاخرى كلهم حلال ، احنه ما نصير داعش ثانيين ، كلشي جديد عن زمن رسول الله فهو حرام ، ماكو هيجي شي ، يُمكن ان نسخّره لصالح الاسلام والمسلمين .
الأمر الآخر الذي هو من أسس الخطاب الديني بعد الامور المعنوية والبُكاء والاحكام الشرعية ، التاريخ ، يعتمد عليهالخطاب الديني كثيراً ، ينقلّك كذا فعل المعصوم ، طبعاً فعل المعصوم وتقريره ما منهه ما نتنازل عنه ، كل ما يفعله نفعله ، نتأسى به ، نقطة رأس سطر خلاص ، بعد محد يُكلك غير هذا الشي ، بس لا تركز على الامور التاريخية الي بيهه صراعات وطائفية وحزبية وما شابه ذلك ، 24 ساعة فلان كتل فلان وفلان كتل فلان ، ابتعد عن هذه الاساليب لكي يتقبّل الآخرين خطابك ، مو 24 ساعة تشتم ، همه نفسهم الائمة ما شتموا اعدائهم ، بل والذين شتموا اعدائهم من اصحابهم نهوهم عن ذلك ، بعد ، فانت تفعل شي منهيٌ عنه من قبل المعصوم سلام الله عليهم ، انت اذن عاصي للمعصوم ، اذن لا تروح تحجي فقط على الدواعش العصاة للمعصومين ، انت هم عاصي للمعصومين ، لو اتوافق مع قول المعصوم لو التحق بداعش وما داعش والعصاة والمنحرفين .
التاريخ يحتوي على كم هائل من الحكم والنصائح كلها اعوفها واتركها واتناساها وانساها بس اجي للخلافية فقط منها ! هذا خطاب تحريضي مرفوض 100 % ، ركّز على المشتركات واترك الخلافيات .
وعليه ، زين ، كُلنه التاريخي على جودته يحتاج الى تنظيم ، المعنوي كذلك ، الاحكام الشرعية كذلك ، البكاء والعاطفة كذلك ، كلها جيدة لا يقطعون الجيد وبس يطلعوني شنو؟ انقد البكاء وغيره ، لا ، نريد تنظيم البكاء ، توسيع رقعة الاحكام الشرعية ، التركيز على الامور التاريخية المفيدة النه وليس فقط الخلافية والتي تؤجج الصراعات ، شلون ؟ ( اطرح اطروحات عالسريع مادام المطر خير وبركة ) من خلال الخطاب الاخلاقي قولاً وفعلاً ، يعني شنو؟ يعني آني اصعد للمنبر او فلان من الناس يصعد الى المنبر ، مثلا انطيك مثال ، قبل ساعة هو مأركل ، شارب أركيلة ، راس كامل وجاي !! ومن يصعد يابه لا تشربون اركيلة ! هذا مو خطاب اخلاقي ، هذا اني اعتبره نفاق ، يا أما ببيتي اطبق واجي القيها الكلمات فوك رؤوسكم على مسامعكم ، فبها ونعمت ، والا خل اتكتر واكعد احسنلي واشرفلي ، واضح ؟ ، قولا وفعلا ، فكل واحد ميسوي ويجي يخطب فوك راسك وينصحك لا تحضرله منبر ، دير وجهك وروح احسنلك .
ثانيا الخطاب الحضاري والتكنولوجي ، راح يزعلون هوايه ناس من داخل الحوزة وخارجها ، لا ، سوّي خطابك حضاري وتكنولوجي حبيبي ، احنه كبل كتاب شرائع الاسلام ندرسه بالحوزة ، اول ما نجي ندرسه بالحوزة ، ودرسنياه آني السيدالوالد ، اول متفتحه اول صفحتين يجيك نزح البئر، عالعين والرأس ، جانو يكولون الشرائع شي رائع ، من افضل الكتب التي كتبت في الفقه في حينها ، ولو كان موجود ابو الشرائع لألّف كتاب حضاري تكنولوجي ، كول لا ؟! وعليه ، بير هو جان يُكلك نزح البئر اذا تنجس البئر ينزح منه كذا ينزح منه كذا ، طلبة العلم ما شاء الله موجودين الاخوة الافاضل ويعرفون هاي ، يجوز انتو متعرفوها ، بس وين وصل العلم ؟ وصل العلم انه ينزّل ماي المطر وماكو غيم ، زين هاي ماي المطر الينزل يصير تتوضه بيه لو ميصير تتوضه بيه ؟ ،اسألك اي طالب علم اي واحد بالحوزة ميجاوبك ، هذا الماي جايز تتوضه بيه ؟ هل هو من المضاف ؟ هل هو ماء اصلا ؟ يطلق عليه ماء او كذا ؟ فتّح عقليتك ، وسع نظرك ، هاي امثلة بسيطة وما خفي اعظم ( الخطاب الحضاري والتكنولوجي المتعارف حالياً ).
ثالثا :الخطاب الجوهري الظاهري لحياة المعصوم وسيرته الكاملة على جميع الاصعدة ، كما قلنا ، اذكر قتل الحسين ، رحمالله من احيا ذكرنا ، لكنه مو فقط تذكر ان الحسين قُتِل ، اذكره على العين والرأس ، اسباب قتل الإمام الحسين ، ليش ؟ قتلوا فيك التكبير والتهليلا ، قتلوا فيه الاصلاح ، قتلوا فيه ذكر الله ، فعليه ركّزْ على الاسباب التي دعت الدّعي ابن الدّعي لقتل الإمام الحسين ، الذي هو اشرف الخلق في حينه .
هذا الخطاب الجوهري الظاهري ، وكذلك حياة المعصومين ، هم مو بس تذكر فقط ان الامام علي قاتَلَ ، ان الامام الحسن قاتَلَ ، ان الامام الحسين قاتل ، وكأنما المعصومين ما عدهم غير شنو؟ القتال بس ، زين ، اذكر باقي اكلهم شربهم كعدتهم حياتهم ثقافتهم فكرهم اخلاقهم مو بس تركزلي على شي واحد ، آنه فد يوم واحد من الايام حتى على سيرة السيد الوالد اللهيقدس نفسه ، فقط نذكره وين ؟ بصلاة الجمعة مثلاً ، وكأنما السيد الوالد فقط عنده فقط بس صلاة الجمعة وهاي انتهى حياته ، كلها الباقية فراغ في فراغ ، مو صحيح ، ركّز على باقي الحياة حبيبي ، عوفنا هسه من ال الصدر ، المعصومين حياتهم زاخرة بالاخلاق والسمو والعفو والتكامل والفناء .
الخطاب الباطني هذا مراح اركز عليه هواي ، نحتاج الى الرجوع الى الباطن ، باطنّا اذا كان صالح ظاهرنا يكون ايضا صالح ، الوعاء ، هذا كلاص الماي اذا جان وصخ وصبيت بي ماي ، تشربه للماي ؟ متشربه ، فيجب ان تنظف الكلاص حتى تصب بيه ماي حتى يصير نظيف حتى تصب بي ماي حتى تشربه ، يا اخي نظف نفسك كبل متنظف ظاهرك .
الخطاب الباطني والعرفاني من دون كشف الاسرار ، مو اي واحد يجي يدّعي براسكم انو اني من اهل الباطن ، اتقوا الله ، كفنائهم في الله سبحانه وتعالى ، آنه احجي على باطن اهل البيت سلام الله عليهم وأي واحد اتحداه اذا تقدّم انملة اذا ما احترك تعال خل يعتب عليه ، كفنائهم في الله وتفانيهم واخلاصهم ومحبتهم للناس وابويتهم الى الناس اجمع .
بعد ، الخطاب النفسي والاجتماعي ، ادرس الوجوه حبيبي زين باوعها واحد واحد ، شوف شنو ذوله ، شنو بداخلهم ، مو وانت على المنبر ، روحلهم ، المعممين كلها كاعدة ببيوتها شكو؟ خل تطلع للناس ، خل تروح تشوف حالتهم النفسية شنو ، حتى من اصعد هذا المنبر اعرف شحجي واعرف شما احجي ، واله اصعد ، انتو مشكلتكم مثلا هنانه الكهرباء اجي احجي على الماي ! متقبل يعني هاي خطأ ، فاعرف النفسية واعرف ما في الداخل ، وهذا ما اصعبه ، زين ، اقرء الوجوه حبيبي ، شيريدون ، مو تتنزل وياهم وتنحرف ويه بعض المنحرفين حاشاكم ، لا ، بس اعرف شنو مشاكلهم ، حتى تعرف شلون تحلها .
الخطاب النفسي والاجتماعي الذي يتلائم مع العقول والنفوس مع الحفاظ على الاسس العامة وتحديد مشاكل المنطقة عن منطقة اخرى .
الخطاب اخر ، الخطاب المُُنتِجْ ، يعني ، مو تصعد على المنبر تذبلك شبهة وشبهتين وعشرة ، وبعدين تنزل وتدير وجهك ، يابه الجواب وينه ؟ ودخلّت شبهة بالآف ، بعقول الالاف وقلوب الالاف وانت داير وجهك ورايح ، اذا تذكر شبهة ردها ، متكدر لا تصعد منبر ، هم تكتر ، الخطاب المنتج ، فلا تطرح اشكالا او شبهة من دون الرد عليها .
الخطاب الاخر ، الخطاب الوحدوي ، ولا تركزلي على الطائفية والحزبية والسياسة بس ، كافي جزعنا من السياسة ، هسه تجي انتخابات كل اربع سنين ميخالف خلصنا منها ، بس مو خلال الاربع سنين طولها كلها سياسة ، اكو فد شي اسمه دين ، اكو فد شي اسمه سياسة ، ولا نقبل بفصل الدين عن السياسة ولا السياسة عن الدين ، واحجيها هاي هسه حتى تفتهمون شنو ، ركزلي على الخطاب الوحدوي الذي يجمع الشعب العراقي ، مو 24ساعة ترشرش بالفتن مناه ومناه ، وتصير صراعات وتكول مالي علاقة ، روح شوف الفضائيات ما شاء الله ، الامام العباس والامام الحسين و 24 ساعة بجي ، حتى بالاحتفالات بجي !! ما اعرف ، يعني ، بكاء بكاء ، على راسي وانا اول البكائين ولست اخرهم ، لكن مو دائما ، هذا هم يجزّع الاخرين حبيبي ، مو صحيح .
بعد ، الخطاب الاختياري والابتعاد عن التهديد والوعيد ، تره الله هيج يحركها وهيج يسوي وهيج كذا ، كافي تهديد ، اكو شي ، الاسلوب الاول تهديد ، الاسلوب الثاني شنو بالله ؟ الترغيب ، اُرّغب الاخرين ، يعني مو 24 ساعة تهديد ، شايل سيف وتصيح بسيفك !! هددهم ميخالف ، بس من تهدد هم شويه رغّب ايضا ، فالترغيب والترهيب .
الخطاب الاخر، الخطاب الثوري والجهادي بعيدا عن العنف الفوضوي والطائفي فهذا ايضا يحرّك في نفوس الناس ويذكرهم بالله سبحانه وتعالى ، آنه احاول اختصر.
الخطاب الفلسفي اي فلسفة الاحكام ، جوهر الحكم ، جوهر الصلاة ، جوهر الصوم ، جوهر الحج ، مو فقط تكلهم حجوا صوموا صلوا ، ليش تحج ؟ ليش تصلي ؟ ليش تصوم ؟
لهنانه اكتفي ان شاء الله اكمل على الاسبوع القادم
الاشتراك في:
الرسائل (Atom)